文章
RSS Feed (xml)
2009年04月02日 星期四
政治化
係CORY哥度見到衣篇野。
唔係CORY哥打，不過係「香港一代」既留言。
**********
我係香港新一代.
係我圈子, 有d sense既人都諗住係香港做陣野o羅番幾年經驗就走(當然大部人醉生夢死).... 原因大部份都同政治體制無關.
相反, 係同政治文化好大關係...
乜都泛政治化, 議會當playground... 民意就流行抽政府水, 民粹越來越明顯.
基本上可以用政治台灣化來形容.
經 濟? 無人理. 有精力就去講政治, 講保育, 講環保. 長編大論去反建制都唔講下香港要點結構轉型. 事關生死既經濟無人講. 個個人認為搞經濟係政府責任.. 有乜唔掂都賴政府. 加上個政府真係無遠見(香港政府跟本只係救火政府, 出事先補獲).. 經濟藍圖就係等中央派狗餅.
香港有乜希望?
身邊D人唔係話去上海就北京.. 我相信. 下一代成功既港人, 就係北上港人(唔同依家廣東D廠佬). 北上港人加上大陸人強攻下, 畫地為牢既港人頂得幾耐??? 睇下鹽田港就知, 不堪一擊!
*************
原本打左段野，不過都係算。
簡單講，政治體制同政治文化原來可以分開﹖你認真架﹖
至於位人兄提到既「長編大論去反建制都唔講下香港要點結構轉型」﹖咁唔滿意，咁其實應該要攪清楚下個頭腦，之後唔相信政治都好，都可以開地盤寫野。我相信，至要夠多人認真，社會係會變既。
**************
當然，你話我政治化都好。不過，都係個句，口水，噴完，消費完又點﹖口水，係要透過政治，轉化為力量。*
衣點，亦都等同早前我係度講到，你班網民唔滿意教會霸權，上街，消費完件事，之後又點﹖之後就係，梁海岸線同部份教會繼續係制度內話事。
*當然，如果你話，有意見，之後SEND個EMAIL比呀田少既話都覺得係「政治化」的話，咁你移民去火星唔該。大陸冇政治，冇政治化﹖全世界都有政治。
**又，政府冇遠見﹖董建華幾萬個遠見。今次財政預算案仲講工業村。不過，有完遠見，政府-市場-市民 對立或冇溝通，最後所有遠見都係「八萬五」。之後，大家可以繼續媽差政府同政黨，咁囉。
**********
又，聰明既讀者，見到我近排開始講下粗口兼長篇大論亂打字，又知，時晨就到喇﹗呵。
過信しないで
9 小時前
7 意見:
我同老婆撐檯腳時最常討論到面紅耳熱既係，政府如果抱著黃明樂 所描述既態度 去推動創意產業，係咪代表你有幾大興趣都唔好響 HK 搞創業產業，係搞就要學呢位 葉美茵姐姐咁 去英國自薦才找到機會 ?
是否拿不到電影發展基金就不要妄想拍電影 ?
是否要等梁振英等建議，既河套邊區工業 / 科技 / 教育園落實才好唸工業工程，否則對工業設計自問幾有天份都好，響課餘整個機械人參賽自娛一番就算 ?
是否當所有街坊早已在 97 年已一口咬定上海肯定取代 HK 的國際金融中心地位時，早就應該不要再跟大隊唸金融，考 CFA ?
老婆仔永遠第一句車埋黎都係 : 妖，如果個個學你咁諗，人人應該去建造業訓練局讀，去地盤倒石屎落鋼筋。因為以上關於經濟轉型既議題一係無左下文，一係極速被政治化，而最少被政治化既議題，得番搞基建一樣。
老婆仔你究竟知唔知咩叫政治化 ?
我認為不重要。只知佢會問 "早前咪有位唔知人大定政協 (胡漢清) 響兩會期間接案建議將人民幣列為 HK 法定貨幣既 ? 咁政府有無認真去研究定又當無左件事呀 ? 我認為對上海能唔能夠取代 HK 成為國際金融中心好緊要個 bor。
我 答佢 : 得閒再睇多次周小川個三篇文，再去刨一刨咩叫 IMF 的 SDR 啦，點理得政府咁多野 ? 接著我扯開話題，同佢講番羅家聰關於政府經濟研究班底架構個篇文，以及沈旭暉以前提過既私人機構 - 政黨 - 政府智囊中人響 HK 能否找到旋轉門既問題，佢即刻悶到打呵欠。
我倆口水噴完，消費完，除左好 "霎時感動" 地再講多次 "話知政府做乜，還是先裝備好自己，眼界要闊點" 外又可以點﹖
各位認為 HK 充斥著太多無謂政治爭論既街坊，你地有無睇信報 ? 陳文鴻響三月寫左兩篇文，講香港既機場點樣被鄰近機場及其接駁運輸系統邊緣化，有無辦法拆解 (例如起多條跑道) ?
05 年既 "花旗集團國際案例分析比賽" 之案例就係分析香港機場管理局既強、弱、危、機。有 19支來自各地，包括 HK 及內地既隊伍參賽，他們需要分析機管局所面對的挑戰，然後提出有關發展策略及解決方案。
你地有無留意呢類報導，定只留意到本地傳媒有意或無意盡量唔報導呢類實實在在關於如何拆解 HK 面對緊既挑戰及轉型既新聞 ?
我寫左咁多無謂 off topic 野想講既係，如果各位街坊認為終日紏纏於咩為之粗口、港女、政治化、王友良有無運毒等爭論太無聊，咪理佢囉。關心你認為值得關心既 topic 囉，例如美國會計準則對 mark-to-market 既修改對今日升市其實有極大關係咁。
HK 較優勝既地方係上網費用相對其他地區平，連線去內地外國速度快，去圖書館/書局/上 amazon 訂書相對方便，上網相對少限制又可暢所欲言。點解大家唔去欣賞及利用 HK 呢種僅存既優勢呢 ?
hehehe，死佬，我識我識，今日見匯豐升咁多，即時諗起衣樣野喇。
至於你講既問題，其實同意。不過，應該咁講﹕我係度寫野，都係想「出一分力」，或睇唔過眼咁多犬儒，所以先寫jak。
不過，你講既，其實同 係脫x海個邊泡既「自在居士」所講一樣，一樣係我好同意﹕其實講咁多，成日話政府政黨點唔掂，香港點死，港女點pk，咁點解唔努力做好自己，避免自己成為社會既負擔﹖
另，講返，點解我會寫﹖因為，我越黎越真係係覺得，只有越黎越多人認真對待政治，政府同政治人先會回應，政治先會進步。
當然，亦唔排除好多人其實睇完今日施永青篇文，犬儒一返之後，繼續犬儒。
又，冇講笑，互聯網，或「大家一齊聽下網民點睇」，其實除左助長資訊/知識流通外，仲令平庸或why理更易傳播。咁，唔係好事。
~goethe
ps，其實，仲寫，係因為好多野要有人出聲既。你得閒去無聊disccuss睇下，而家開始好多人認同官方六四，認同好多why理 (除左好多擺明係收錢出post既人之外，仲有好多小朋友認同)。所以，得閒如我，得閒米出聲既。
又，下面係施篇文。如果我要回佢，我就會話，因為選民本身都冇理念，亦冇要求人有理念。所以，當然係「缺乏信念」喇。
篇文﹕
熱衷當選 缺乏信念
對於政黨來說，今次全球性的金融海嘯理應是一次難得的機遇，因為它把一些過去因經濟蓬勃而掩蓋起來的社會矛盾充份暴露出來；各派政治力量因而有機會按照自己的信念對此作出解釋，是政黨宣揚自己的理念的大好機會。
香 港是資本主義經濟步向全球化之中的得益者。當社會上的主要成員生活過得不錯的時候，他們對社會存在的矛盾不太關心，政黨想吸引他們注意並不容易，導致很多 政治宣傳都變成枉費心機。現在，人們原先的如意算盤被打爛了，處於惶恐與不解之中。他們極想了解自己為何會落入這樣的境地，以免將來重蹈覆轍，因為代價實 在太大了。
因此，這個時期是人們心扉打得最開的時候，最願意去聽政黨對此有何解釋，是政黨宣傳自己理念的大好時機。政黨應趁這個百年一遇 的機會向人們顯示，他們的信念最能解釋世界現時出現的問題，他們要走的路才是人類未來的光明大道。在這段期間，他們應比平時更有條件去爭取支持者，以擴大 自己政黨的力量。
可惜，香港的政黨大部分都缺乏這樣宏大的視野，他們只著眼於在形式上謀求多幾個立法會的席位。在人類的命運受到威脅，社 會的基本矛盾無法解決的時候，香港的政黨仍只曉得集中力量叫政府派糖，讓更多的人可以吃由政府提供的免費午餐。然而，當全球經濟萎縮，生產力無法持續發展 的時候，這樣真的可以解決長遠的問題嗎？政府手上的資源可不是長要長有的。
這些問題我們的政黨都可以不管，他們只曉得謹小慎微，在特區政府身上找些無關宏旨的缺失，以示他們敢於向政府問責。他們用掟蕉與講粗口去展現自己反建制的勇氣，卻講不出他們把現有的建制推倒後，他們將如何面對因而遺留下來的矛盾，以及將如何建立一個新的、更有前景的體制。
以社民連為例，他們的民主社會主義理想，只是寫黨綱的時候拿來炫耀的，平時甚少見他們在行動時加以演繹。他們自以為聰明的地方，是看透了比例代表制選舉方式的特性，只要旗幟鮮明，一味夠激，就能令一部分的選民視他們為代言人，這樣他們就可以在選舉中獲足夠的比例當選。
以他們今天這樣的策略，他們只能為他們的黨員在每個選區謀取一個席位。然而，以他們這種只爭取小眾而非爭取大眾的策略，又如何去完成他們的民主社會主義的理想？要知道要反建制是必須有大眾支持的，社民連豈不是為了謀取議席而不惜放棄理想？這樣的政黨真的會有政治前途嗎？
講番正題。
的士短加長減，涉及車主、司機、市區的、新界的、八折的、運輸署等多個團體，而各團體的利益互相矛盾。
加煙稅既爭議涉及既利益團體少 d - 大致得煙民、煙草商、戒煙資源既分配、以前有唔少顧客光顧時會食煙既場所如酒吧 OK，但佢地既利益一樣互存矛盾。
早前港交所與上市公司董事於業績公佈前的股票禁售期之扎馬及擺平過程，唔係政治係 d 乜 ?
唔 好以為內地咩都可以一言堂，大石壓死蟹。你打算響一條村起間廠，當地村民雖然普遍教育程度低，但村民們出城打過工，對各類工業生產流程見識過，就算你想點 隱瞞，佢地好快就知貴廠的生產流程對整條村會帶黎幾大環境污染。你唔擺平當地人既疑慮，唔令佢地相信你有誠意去執正排污流程，就算貴廠老細後台點把炮，當 地政府點維護，當地村民一樣可快速自發組織起來，先圍你個地盤，再去衝擊當地政府及公安局。
你以為內地網絡監控勁，可將呢件事收埋 ? 你會發覺 HK 部分報紙的中國版唔知點解會知悉及報導呢單野，而稍後當地村民暴動既消息會響內地流傳，到時就你既後台夠硬，鎮壓到當地既暴亂，但到你間廠正式投產後，當 地人一樣有計不時干擾/破壞你間廠既生產流程，你依然有排煩。
只要一個議題涉及多過一個利益集團，而各集團的利益本質存在矛盾，爭議自然會有，點令各團體各讓一步去達成共識，就係政治。
打左咁多廢話污染歌德個 blog，歌德你想唔洗版都唔得。
我經常警醒自己，因長年習慣只睇股價對每項消息的反應，根本不理會解釋股價升 / 跌既理由是否歪理。
因此，
1. 到認真學人去揀股時，好易被一 d 表面好企理，例如現金豐裕既公司，或表面生意增長強勁既公司 / 相關報導呃倒。
2. 長年只記股價響何時作正/負面反應，忽略響股價分析外既環境，例如各界對當前國際金融大勢既討論，對歪理的辯識能力。
現在只能做到，就算未學曉分辯歪理，也要對一 d 自認較極端 / 另類意見既作者保持警覺性，at least not to take every word by him/her for granted，例如討論環保議題的踢爆君，中共財經戰略的量子君等。
唔好意思，手又痕。
當大家感歎傳媒和網民每日只是不停找個對象擲石，把關楚耀殺死了，把社民連三子妖魔化，把黎姓港女透過人肉搜索趕絕了 (?) 後，大家對相關問題的認識增進了多少 ?
為何不覺傳媒討論有些國家因甚麼理由容許大麻合法化 ? 歐美議會容許議員於議事堂講粗口嗎 ? 公主症與服務業為主的社會是否有關 ?
就算傳媒有心過濾更值得討論的相關話題，大家真的找不到相關的，而你又認為更值得的討論角度，還是沒有嘗試過去找 ?