食屎論正傳

人皆知屎臭, 屎含菌, 屎不可食. 那麼我們可以怎樣令人食屎, 為屎平反?

第一步,
"屎係咪真係臭既呢?", 美其名曰"冷靜""理性""反思""回顧", 開始質疑:

"你有冇聞過先? 冇聞過冇資格發言!"
"你鼻子真的沒問題? 你確定你聞到的真的代表氣味的本質?"
"心經曰, 無眼耳鼻舌身意, 一切都係幻覺!"
"你覺得臭係因為你一開始就有偏見, 有立場!"
"你地唔准討論屎既氣味, 咬定屎係臭既, 唔得, 呢個係言論自由社會, 點解唔討論得!"

第二步,
為屎歌功頌德,
"人類拉屎, 係咪想話人身體臭? 既然人身唔臭, 人拉屎, 所以屎唔臭!"
"屎係肥田料, 以前仲係可以買賣架! 咁有價值點會係臭既呢?"
"呢呢呢, 你養果隻看門狗食緊屎呀, 你都受益啦, 你唔能夠否定屎架!"
"咁多烏蠅都中意屎, 有咁多隻支持, 點可能係臭既呢?"

再多加一句, "思想要大解放!", "唔可以有思想禁區!", "個人意見不代表團體立場!",
再派人在各種媒體上把以上的話月月講年年講, 人民開始厭煩了,
"反正你不會逼我食屎, 你話屎唔臭就唔臭啦! 唔得閒理你"

就此, 開始有人認為屎不臭了, 從而開始有人"領導潮流", 去食屎了...