文章
RSS Feed (xml)
youtube真偉大, 能看到極陳年的片. 只要有點心思打關鍵字, 總會發現有些有心人非常有閒, 把大家的回憶好好保留之外, 還把它們放到網上, 讓大家共享舊夢.
這段MTV前陣子已經看過幾次的了, 但見渣老闆重溫舊歌, 現在開了部落格, 我也來應一應景:
此為一九八五年青少年節的MTV, 找來當年的紅星, 在當時還很新的紅磡體育館打手掌印, 一眾歌星當時名乎其實年輕有為.
二十二年過去了, 他們有的成為國際巨星, 有人不斷努力, 有人沉淪過再起, 有人半紅不黑, 有人被社會遺忘, 甚至有人已經化為天上的星星......
心總有戚戚然, 一想到二十年後我會變成怎的一副樣, 不禁覺得前路茫茫......會往上升? 沉淪? 還是我已經轉生? 雖緣起性空, 但幻化亦是有, 凡人執取而不捨, 總希望明天會更好, 總覺得要達到如心經所言"心無掛礙故無有恐怖", 還要不斷修行.
幸せな悲鳴。
1 天前
9 則留言:
我都未夠...我都十歲未夠......但我真係講唔出我得三歲囉 :P
對, 我是修佛的, 但不夠勤就真...唔同女人可以專做煮飯婆, 男人二十年後如果都一世無成咁都好悲, 唔係要趁早成名, 係人點都要有目標, 冇的話都夠可悲...
kenka兄，85年，薯仔真係得三歲咁上下咋:")
薯仔之前都學過下彿，聽下彿計讀下d故事，但係一黎諗到頭脹二黎再睇落去覺得自己會改變晒現有價值觀。。。
廿年後薯仔既目標只係唔洗再怕為兩餐勞心受氣，要鍛鍊到自己係有價值而唔洗擦鞋去搵食。。。
煩惱起因, 往往出於錯誤的價值觀之上, 所以佛教會教人行善積福, "自淨其意", 你覺得學佛會改變價值觀, 洞察力都蠻強啊.
不過覺得深奧的話, 先看阿含經吧, 容易明解得多了.
如果只須要二十年後不必為謀生而煩惱的話, 只打牛工一定冇用, 因為你勞動的剩餘價值會被各大老闆取去. 要取回自己應得那份, buy and hold啦.
至於點buy and hold, 多看各位大大的股評好了, 我只買過期貨還要輸錢
「自淨其意」都好, 不過而家呢個資訊爆棚年代, 加上如果上埋網癮, 就唔易自淨其意...
Kenka 同喵妃有冇玩靜坐呢? 小弟曾經接觸過聖經, 短暫性迷失心經, 自習過論語, 不過而家至愛竟然係睇 blog 同 YouTube!
唔知下期又興玩乜勒! 哈哈!
Was in Primary school in 85...
Wonder what happened to all those concrete hand prints in the MTV, where are those concrete today...
Shuen
渣老闆: 我學過藏密的靜坐, 名為毘盧遮那佛七支坐. 不過現在因為腰部扭傷過, 正在看脊醫, 暫停了.
前一陣子我還沉迷bbs, 現在就沉迷做blogger, 不過渴望與人溝通的心思則沒有兩樣.
孫柏文兄: 幸會! 我都想知道那些手掌印去了那兒, 現在拿出來放在星光大道的真的一點也不失禮.
渣老闆，喵妃其實是個born Catholic，由細到大對聖經已滾瓜瀾熟，不過，自從接觸過彿法後覺得後者更博大精深，更能讓喵妃明白人生在世的意義
喵妃當年也有修煉靜坐，而且我是天生能雙盤的，別人都說我很有慧根，可惜，最後始終前功盡廢
哈哈! 原來 Kenka 同喵妃都係高人!
有冇皈依師傅呀?
藏傳佛教好有趣, 其中好多佛像都好有型!
我記得有一個背後成身火焰, 目露凶光, 好型好威猛!
發佈留言