讀: 人在中環"神棍神算"有感

原文: CK的人在中環

我的回應:

恭喜CK發財!

我以前有學一d術數, 自己都幫襯唔少, 到後來至有所理解: 睇相佬果類同果d企業顧問差不多, 係一種拿著你手腕睇你手錶, 然後答你現在幾多點, 仲要收你錢既職業. 不過佢地可以唔使問你咁多野, 係比企業顧問高明d.

不過呢個世界上有勁多人連自己前因都睇唔到, 所以占卜先有咁有用. 講真, 有睇相佬充當心理醫生等你盡訴心中情, 年中都省番唔少, 中國人幾千年來宗教氣氛唔濃郁, 冇得學天主教咁告解, 心理健康靠既就係呢條路喇!

順帶一提, 一般命理書用咩根據吹流年運程? 基本上離不開用紫微斗數看流年一定會飛的星, 但人人自己個命盤都唔同, 產生的效果都會唔同, 更何況只以生肖來分人種呢. 至於推測股市之類, 變數之大, 方, 廣, 用推測人類一生運程的方法去推測, 個規模都差咁多, 容易撞板至極.

以下是補充:

CK大大看到的, 應該以前當過空姐, 在Chic之堡開檔那位吧? 都有番咁上下知名度架.
塔羅牌是卜的一種, 凡是占卜類的, 對單一事件短時間變化的預測是比較精確, 比如CK大大當時的問題, 就差不多了. 但用來問流年運程的話就好易出事. 所以可以大膽講, 邊本流年運程書話用塔羅/卦來推測, 問人借好了.

不過比著我係果位神婆, 我都好怕答你果d問題, 因為你咁問, 即係將你既未來交到我手上, 由我來同你決定咁解, 真係太大責任, 唔敢答架.

講番預測未來, 要答你唔係唔得, 但講左用途有幾大? 講得你聽, 因為果個係最大可能性既未來, 好的話當然咩都唔好郁啦, 唔好既當然想改變佢, 之不過, 點樣改法? 你想唔想改, 又改唔改到? 好多時人就係有呢種抗拒改變的特性, 尤其係出於性格上的失敗因素, 所以預言至會成真. 講真, 係就讀多幾次了凡四訓仲好過.