對空氣，先講d基本野

我唔會，亦無謂同睇緊呢篇文d人講「仆街喇你，過主喇，呢度唔歡迎你！」，因為我都已經赤裸裸給你睇晒我寫乜，都冇法阻止你繼續睇落去，情況同龜苓膏廣告果個女子講「你唔好行埋黎呀」一樣搞笑，我一定淫笑住答你「睇你走得去邊」。

---

再講一次，我比較中意有碗話碗，用字精準d好，你係智障的話，我就話你係智障，你係SB，我就話你SB。罵人本來有害身心，轉彎抹角更甚。

是以，中國諫官d身子都幾差下。

---

係既，我理得你署名普通人，everybody，空氣，好靚既靚仔，仆街，智障，咩都好，想法唔對我就批評，鬼得閒理個屁係邊個放，我都話個屁好臭。

btw，只有傻仔先會執著，問點解要批評「我的」屁臭。講得出「我的」，就知道改咩名都好，呢個人都未通達到何謂無我。無我唔係改個名就做到架。咁容易做到就唔使修行咁耐先成到佛啦。

---

縱使滿腹經綸，思考天馬行空，辭風如何敏銳，民主應該點樣胸有成竹，做左以上我講既白癡野，都係乞人憎。人，唔係咁樣做個囉我覺得。

---

寫住咁多先。本來仲有d野講，不過唔講住。